男仕們請重新提醒各位女仕–世界杯開幕了~!!!


先前係網上備受注目的其中一兩篇短文。有女朋友ge可以請佢用幾分鐘睇一睇,咁應該會少D鬧交。喜歡轉帖,因為我都係轉人地。希望大家能享受世界杯的狂熱氣氛~!! O-Le~!!!O-Le-O-Le~O-Le~~!!!!!!! World Cup ~!!

版本一(明報 2010年5月5日 星期三)女士們世盃期間注意事項:

1. 今年世界盃在南非舉行。

2. 比賽時間在晚間至凌晨舉行。

3. 今年英格蘭並沒有碧咸。

4. 今年最有機會奪冠的分別有巴西、西班牙、阿根廷,和你男友支持的隊伍。

5. 請不要在賽事中途說「都唔知點解,十幾個人追住個波走走去」,你男朋友一聽絕對會發火。

6. 往後一個月,你男朋友只會記得今晚及明晚賽事的時間和對賽隊伍。請不要在此期間考他記性,例如,問男朋友記不記得 6月某一天是什麼日子。就算那天是你們的拍拖紀念日,也請不要問,因為如果他答你「10點鐘,巴西對荷蘭!」多麼傷感情!

7. 你最想見到男朋友的時間,通常就是開波的時間。雖然是委屈了你,但四年一度,請你原諒。

8. 續上題,你最想和男朋友通電話的時間,通常亦就是開波的時間。

9. 如果,你男朋友興高采烈和你說一大堆外籍人名、戰術分析和專業術語,再加上事後孔明和馬後炮,四年一度,聽他說說吧。不明白也不用問,因為他也不知道自己在說什麼。你只要聽完給他一個「你好叻喔」的表情,世界盃後你就會有美妙回饋。

10. 如果你男朋友支持的球隊出局,也不用太擔心他。每隔四年他支持的球隊都會出局,他習慣了。

11. 如果你男朋友支持的隊伍和你支持的隊伍有分別的話,暗地裏還是盼望他的隊伍贏比較好。因為你可能只是在默默支持,他可是會用現金實際地支持的。

12. 男朋友問你喜歡哪隊時,千萬不要答曼聯、皇馬——因為他們不是國家隊。

13. 千萬不要在球賽舉行時問男朋友越位是什麼意思,請自行Google。

14. 如果你男朋友喜歡看漂亮直線傳球,除了有名的西班牙球員沙維外,你還可以推介英格蘭的謝拉特。

版本二(暉寫.自娛 2010年4月5日 星期一)港女’s guide to World Cup 2010:

1. 是次世界盃晌南非舉行. 基於南非係晌南半球, 南非晌年中既時候將會係冬天, 所以如果大家晌電視見到六月幾七月班球員仲係著長袖衫跑來跑去, 唔好當佢地係傻既. 係呀, 就算南非晌非洲, 都係有冬天的.

2. 一如大部份好睇既足球賽事, 比賽既時間都係晌三更半夜開波, 即係平時你地同男友煲電話粥果段時間, 所以如果你地同男友傾傾下電話佢地忽然爆粗既話, 佢地並唔係鬧緊你地阻住佢地睇波, 雖然你地係.

3. 如果你地同男友講野果陣你地男友成日心不在焉咁, 放心, 佢地唔係心入面有左第二個女人, 只係心入面多左隊足球隊唧.

4. 賽事將會有三十二隊國家隊參加. 唔使再問了, 係冇曼聯同皇馬的, 球會踢到幾叻都唔會有得踢世界盃架, 正如Shiseido點勁都唔會有得參加米蘭時裝展一樣.

5. 碧咸受左傷, 點都應該冇份踢架喇. 順帶一提, 碧咸冇踢曼聯好耐喇.

6. 今次世界盃既奪標熱門有西班牙同巴西. 英格蘭其實唔係好勁架咋.

7. 靚仔最多果隊都係西班牙, 有效力利物浦既托里斯, 華倫西亞既韋拿同施華, 阿仙奴隊長’光管腳’法比加斯. 不過如果有男人問起, 你地當然係要話鍾意西班牙既進攻足球風格啦.

8. 唔使諗, 日本隊同韓國隊係冇靚仔的.

9. 一場足球比賽係廿二個人分兩隊踢, 即係每隊十一個, 大致上係二十條友去追一個波, 射入對方既龍門. 無聊既程度同成班女人去搶最後一個半價名牌連身裙差唔多.

10. 入波多果隊贏.

11. 你地唔需要去問你地男友咩叫’越位’, 因為好多睇幾廿年波既人都唔明咩係越位, 有時連球員甚至球證自己都唔明. 簡單黎講, ‘越位’即係條友仔插入去既時間唔岩, 就算射入都唔計. 同’月事’差唔多啦.

12. 同你地一樣, 人地踢波同做球證都係打份工(球證仲要係兼職), 佢地都係人, 佢地都會錯. 如果出錯果個就係你地男友捧果隊波既成員, 千祈唔好大大聲話’乜咁屎架’然後用鄙視既眼光望住電視機, 因為晌果九十分鐘, 你地既男友就化身左做班球員, 你地咁鬧班球員同講’乜你咁快架’係少少分別都冇.

13. 寬容下啦, 你地男友睇依幾十場波既時間加埋, 都冇同你地拍拖咁耐等你地試衫既時間加埋咁多呀!

轉自石先生的部落格: 女士們世界盃期間注意事項(更新: 第二版)
廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s